KABATAAN

Ni Chester Ian Pineda

 

Pag-asa bang maituturing ang mga kabataan,

O sakit ng ulo ng ating lipunan?

Responsibilidad niya’y napapabayaan

Druga’t bisyo’y kinahuhumalingan.

Ugali niya nga’y pawang nagbabago

Sukli sa magulang gawaing tarantado

Pagmamahal nila’y ibinigay naming todo

Upang liwanag ng bukas iyo’ng mapagtanto.

Buhay niya tuloy napariwara

Dahil payo ng magulang ibinaliwala

Pangarap at mithii’y lumahong bula

Na isa sanang kayamana’t mabuting panimula.

Kaya payo ko mahal na kapatid

Druga’t bisyo’y walang maihahatid

Kundi pinapadali ang buhay mong sumalangit.

Pamilya’t kaibigan piniperwisyo mo pang higit.