HILING

Ni Chester Ian Pineda

Bawat gabi’y aking pinapanalangin

Na aking hiling sana’y dinggin

Mga nagdaang panaho’y maibalik sana sa’kin

Nang Maykapal na mabait sadyang matulungin

Matalino’t wais sa kanya’y iginantimpala
Mabuting pag-uugali tanging hangad ko pa

Nang galit niya’y sa kapwa maibsan, mawala

Mahal kong Auntie, liwanag sa paligid nawa’y iyong Makita.

Sa oras na ika’y laging nagagalit
Sa mumunting sala gawa ng paslit.

Ba’t pinalalawak pinarurusahan ng higit?

‘Daling masolusyunan ba’t may sigaw pang kapalit?

Masasakit na salita’y iyong ikinabit 

Sa aming mga puso’y nagpasakit ng higit

Kaya paglalaban sayo’y ‘di na napigil

Upang iyong maramdaman na ika’y malupit.

Nagkaroon ng araw na ika’y Masaya

Dapat iya’y panghabambuhay ‘di dagli sana

Nang pamilya’y sumaya’t manumbalik ang ligaya

Pamilya mo sa kabilambuhay siguradong galak sila.